«Муҳаққиқ ва ихтироъкори ҷавон», «Олими сол» ва «Магистранти сол»

25-уми апрели соли 2025 дар “Кохи Сурӯш” бахшида ба Рӯзи илми тоҷик маросими ҷоизасупории ғолибони озмунҳои ҷумҳуриявии «Муҳаққиқ ва ихтироъкори ҷавон», «Олими сол» ва «Магистранти сол» бо иштироки васеи намояндагони вазорату идораҳои дахлдор, ректорони муассисаҳои таҳсилоти олии касбӣ, роҳбарони муассисаҳои тобеъ, иштирокчиёну ғолибони озмунҳои болозикр ва дигар кормандони соҳаи маориф ва илм баргузор гардид.
Дар озмуни “Олими сол” миёни омӯзгорон ва олимони муассисаҳои таҳсилоти олии касбӣ, аз 48 муассисаи таҳсилоти олии касбӣ ва 23 муассисаҳои илмӣ-таҳқиқотӣ 80 ҳуҷҷат аз рӯйи 10 равия пешниҳод гардид.
Зимни хулосаву баҳогузории комиссияи экспертии озмун муовини сардори Академияи ВКД Ҷумҳурии Тоҷикистон оид ба илм, доктори илмҳои ҳуқуқ, дотсент, полковники милитсия Раҳмадҷонзода Рифат Раҳмадҷон “Олими сол” аз рӯи равияи фанҳои таърих, ҳуқуқ ва сиёсатшиносӣ сазовори ҷойи якум гардид.
Бояд ёдовар шуд, ки расидан ба чунин дастовард аз шахс меҳнат ва заҳматро талаб менамояд.
Бори дигар роҳбарият ва ҳайати профессорону омӯзгорони Академияи ВКД Ҷумҳурии Тоҷикистон доктори илмҳои ҳуқуқ, дотсент, полковники милитсия Раҳмадҷонзода Рифат Раҳмадҷонро ба муносибати сазовор гардиданаш ба чунин дастоварди илмӣ таҳният ва муборак намуда, дар фаъолияти минбаъдаашон муваффақиятҳои нав ба навро таманно менамоянд.
Академияи ВКД Ҷумҳурии Тоҷикистон