Вохӯрии судманд бо ҳайати шахсии Академияи ВКД

17-уми апрели соли 2024 вохӯрии сардори Академияи ВКД Ҷумҳурии Тоҷикистон, н.и.ҳ., полковники милитсия Насуриён Пулод Асадулло бо ҳайати шахсии факултетҳои №5 ва № 6 Академияи ВКД Ҷумҳурии Тоҷикистон баргузор гардид.
Ҳадаф аз баргузории вохӯрии мазкур омӯзиши нуктаҳои суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дин, ки 9 марти соли ҷорӣ баргузор гардид, иборат буд.
Дар ҷараёни вохӯрӣ оид ба пешгирии ҳолатҳои хурофотпарастию таассуб, таълимоти ғайриқонунии динӣ, гаравиши ҷавонон ба созмонҳои террористию ифротгароӣ, инчунин риоя намудани меъёрҳои қонунҳои Ҷумҳурии Тоҷикистон "Дар бораи танзими анъана ва ҷашну маросим дар Ҷумҳурии Тоҷикистон", "Дар бораи масъулияти падару модар дар таълиму тарбияи фарзанд" ва дигар масоили мубрам изҳори назар карда шуд.
Убайдуллоев Ш., Раҷабалиён А.