Курсант Зардаков Довуд - иштирокчии фаъоли озмуни «Фурӯғи субҳи доноӣ»

Курсантони Академияи ВКД дар озмунҳои ҷумҳуриявӣ ва байналмилалӣ бо сарапрастии шуъбаи ташкилӣ-илмӣ ва табъу нашр ва кафедраҳои Академия ширкати фаъол доранд.
Яке аз ин курсантони фаъол Зардаков Довуд Сироҷиддинович - курсанти курси 5-уми факултети №2 мебошад, ки дар баробари таҳсил бо баҳои хубу аъло дар Академия дар тамоми чорабиниҳои сатҳи ҷумҳуриявӣ ширкати фаъол дорад.
Зардаков Довуд истеъдоди баланди шоирӣ дошта, яке аз аъзоёни фаъоли маҳфили «Ҳамешабаҳор» таҳти роҳбарии шоири шинохта Хайрандеш дар Китобхонаи миллии Тоҷикистон мебошад.
Зардаков Довуд дар се марҳилаи Озмуни «Фурӯғи субҳи доноӣ» дар Академия, ноҳияи Исмоили Сомонӣ ва шаҳри Душанбе иштироки фаъол намуда, бо Ифихорнома ва Диплом мушарраф гардид.
Бо ин дастовардҳо ӯро самимона табрик гуфта, комёбиҳои нав ба нав орзумандем.
Шуъбаи ташкилӣ-илмӣ ва табъу нашр