Курсанти Академияи ВКД қаҳрамони мусобиқа гардид

Рӯзҳои 22-23-юми декабри соли 2020 дар пойтахти Ҷумҳурии Тоҷикистон – шаҳри Душанбе бори аввал гӯштини миллии камарбандии тарзи классикӣ ва озод байни калонсолон баргузор гардид. Чорабинии мазкур дар толори варзишии шаҳр бо иштироки дастаҳо аз шаҳри Душанбе, вилоятҳои Суғд ва Бадахшон баргузор гардид. Дар ин мусобиқаи варзишӣ паҳлавонон барои дарёфти ҷойҳои ифтихорӣ миёни ҳам рақобат намуданд. Дар вазни 75 кг курсанти курси 1-уми Академияи ВКД Ҷумҳурии Тоҷикистон Орифҷонзода Шаҳбоз, зери тарбия ва тамринҳои Мураббии шоистаи Ҷумҳурии Тоҷикистон Қаландаров Фурқатҷон Мирзоевич барои гирифтани медали тилло дар шакли гуштини миллии камарбандии тарзи классикӣ ва медали биринҷии гуштини миллии камарбандии тарзи озод ва Ифтихорномаи ин мусобиқа мушарраф гардид. 

Бояд зикр намуд, ки гуштини миллии камарбандӣ таърихи ҳазорсолаҳоро доро буда, ҳамқадами иди ҷаҳонии Наврӯз мебошад. Дар тамоми кишварҳое, ки Наврӯз ҳамчун ҷашни оғози баҳору шукуфтанҳо ва аҷдодӣ ҷашн гирифта мешавад, дар он гуштини камарбандӣ ҳамчун мусобиқаи асосии наврӯзӣ гузаронида шуда, ҳамаи пиру ҷавон қувваозмоӣ мекунанд.
Орифҷонзода Шаҳбоз бо дониш ва интизоми намунавӣ дар миёни курсантони Академияи ВКД Ҷумҳурии Тоҷикистон ва ҳайати профессорону омӯзгорон дорои обрӯ ва эътибори хосса мебошад.

Файзизода Шаҳром, курсанти курси 1 факултети №2 Академияи ВКД Ҷумҳурии Тоҷикистон